Fièr(e) d'être artisan / Fièr(e) de mon métier

Engagé(e)s, authentiques et passionné(e)s, tous se sont décidé(e)s pour l’Artisanat, un secteur qui a su les passionner, de par ses petites structures, son enracinement local, sa proximité client, sa force d’innovation et son savoir-faire.

Ces femmes et ces hommes ont découvert leur passion et ont fait de leur talent leur métier. En tant qu’artisan, ils créent des tendances et construisent l’avenir.

Découvre différents portraits d’hommes et de femmes artisans, leurs parcours, leurs métiers et leurs passions.

Perspektiv Handwierk – L’Avenir entre mes mains

 

Interview mam Lisa Welter

D’Lisa Welter huet sech fir de Beruff vun der Esthéticienne no hirer Première am Lycée de Garçons (LGL) entscheet. Hiren interessante Parcours, dee mat engem 1te Präis vun der Promotion du Travail an der Meeschterprüfung ofschléisst, stelle mir iech hei fir.

Foto Lisa Welter

Dir hutt är Première am LGL gemaach an hutt dono e Studium ugefaangen dat iech net wierklech zefridde gestallt huet. Wéini hutt dir gemierkt, dass dir éischter e praktesche Beruff ergräife wéilt?

Als Kand scho war ech e Mënsch deen ëmmer um gaange war eppes ze kniwwelen. Ech war relativ gutt an der Schoul an no der Primaireschoul gëtt ee jo dann an de klassesche Lycée orientéiert. Ob 6e hunn ech mir allerdéngs scho geduecht, dass ech eppes am Beräich vun de Gesondheets- an Schéinheetsberuffer maache wéilt. Beruffer wéi Coiffer oder Esthéticienne hunn mech deemools schonn interesséiert.

Richteg ëmsetze konnt dir är Passioun fir dës Beruffer awer méi spéit eréischt?

Wärend der Lycéeszäit hunn ech ëmmer nees mam Gedanke gespillt eng Formatioun an dem Beräich vun der Esthétique unzefänken. Allerdéngs hätt ech mech net getraut vun haut ob muer de Lycée opzehalen an eng Léier unzefänken. Ech hätt och net richteg gewosst wéi een e Beruff léiere kéint, well am klassesche Lycée gëtt een net vill iwwert Beruffsausbildung informéiert.

No der Premiere sinn ech dunn, wéi jidderee vu menge Frënn, studéiere gaangen. Hei hunn ech allerdéngs richteg gemierkt, dass ech net zefridde si mat deem wat ech maachen an dass ech de Studium net mat der selwechter Leidenschaft uginn wéi eng Frëndin déi mat mir ugefaangen huet.

Wéi ass et dunn fir iech weidergaangen?

Ech hu mech informéiert wéi ech de Beruff vun der Esthéticienne léiere kéint.
Ech wousst dass ech mat enger Premiere en direkten Accès an d’Meeschterprüfung hätt. Déi praktesch Erfarung vum Beruff huet mir awer gefeelt. Déi hunn ech mir dunn an Däitschland ob enger Schoul ugëeegent. Ech sinn dunn och nach weider ob Paräis gaange fir de Beräich vum Stylisme ongulaire an der Technique du Gel ze verdéiwen.

Den Diplom aus dem Ausland war net tel quel zu Lëtzebuerg unerkannt, also hunn ech mech ob menger éischter Schaff a menger Proufzäit missen ënner Beweis stellen. Ech war motivéiert an hunn vill bäigeléiert, a mëttlerweil schaffen ech 8 Joer an dësem Beruff.

Huet iech äre Choix dëse Beruff ze ergräife verännert?

Jo, ech sinn einfach méi éiergäizeg ginn. Am Lycée hunn ech ëmmer just ob 30 geschafft. Ech hu mäin schoulesche Parcours gemaach awer ech wousst eigentlech net richteg firwat ech d’Schoul géing maachen. Ech hat keng richteg Motivatioun.

Dat huet sech elo komplett geännert. Zum Beispill wéi ech d‘Meeschterprüfung ugefaangen hunn, wollt ech et gutt maachen a war och deementspriechend vill méi opgereegt wéi fir den Premières Examen. Et war mir einfach méi wichteg. Ech wollt et packen well ech dee Beruff wierklech maache wollt.

Ech sinn och elo méi zefridden wéi ech dat nach am Lycée war.

Wann een eppes fonnt huet wat ee passionéiert weess een och firwat een et mécht, an et klemmt een sech derhannert. Fazit ass, dass dir är Meeschterprüfung super gutt gemeeschtert hutt an den 1te Präis krut. Bravo!

Wouzou géingt dir roden, wéi ee villäicht éischter entdecke ka wat een elo wierklech passionéiert?

Als Schüler weess ee villäicht vu sech aus wat engem läit, mee hei gëllt et dann och wierklech ob dat ze lauschtere wat ee maache well. Et ass esou dass een iwwert Stagen am Beschten an de Beruff schnuppere kann. Wa Betriber nach méi Schnupperstagen ubidde géifen wier dat flott.

Wichteg géing ech et och fannen, dass de klassesche Lycée sech opmécht fir Handwierksberuffer de Schüler virzestellen, eventuell als Optioun, wou Leit aus dem Beruff an d’Schoul kommen an d’Schüler sech mat dësen austausche kennen.

Wat muss ee fir äre Beruff matbréngen an ären Aen ?

Fir dee Beruff ass eng gutt Kommunikatioun an eng gutt Relatioun mam Client ganz wichteg. Dofir sollt een ob mannst eng Affinitéit hunn. Et ass natierlech net einfach wann ee 16 Joer huet, fir mat de Clienten e Gespréich unzefänken iwwert enger Manikür z.B. Dat kennt awer mat der Zäit. Et kritt een e Feeling wéi een ob de Client agoe kann. Bei dësem Beruff entwéckelt een sech vill weider, och wat engem säi perséinlechen Développement betrëfft.

Wéi gesäit esou en Dag am Institut aus ?

An engem Institut ass et ganz schéin ofwiesslungsräich. Mol huet een eng Massage, e Soin Visage oder e Soin corporel ze maachen. Dëst kann vun engem Soin relaxant bis hin iwwert e Soin Prevention Anti-âge, oder iwwert Hautproblemer an d‘Beroodung vu Produiten goen. Oder awer et mécht een dem Client eng Manikür oder eng Pedikür.

Ech maachen all Aarbecht am Prinzip gären, eng kleng Preferenz hunn ech awer fir de Soin Visage, hei kann een de Client esou richteg gutt verwinnen.

Et huet een natierlech och Deeg wou et net esou gutt leeft, an een sech iergert. Do bleift een natierlech ëmmer professionell a frëndlech. Allerdéngs ginn et esouvill flott Momenter, dass déi iwwert e schlechten Dag ewech hëllefen.

Wat gëtt iech äre Beruff ?

Ech fannen et schéin, Clienten ze gesinn déi sech bis elo nach net vill mat dem Thema Soins befaasst hunn, déi dann en Institut fir sech entdecken. Zefriddenheet vum Client, dat Gefill vu Wuelbefannen an Entspanung wat de Client mathëlt no engem stressegen Dag, dat ass meng Satisfaktioun. Wann de Client dann zeréck kennt an dann e Rendez-vous bei engem perséinlech freet, dat ass schonn immens schéin. Esou gëtt de Feedback deen ech vu menge Clienten kréie mir fir mäi Schaffe Selbstsécherheet.

Duerch de ville Kontakt mat de Clienten gëtt ee selwer no enger Zäit méi selbstänneg an et geet ee méi oppen op Leit duer. Dat bréngt engem perséinlech vill, niewen der Zefriddenheet am Beruff.

Wéi geet et dann elo weider mam Brevet de Maîtrise an der Täsch, heimadder kënnt dir iech jo selbstänneg maachen.

Jo, mam Brevet de Maîtrise gi mir einfach nei Méiglechkeeten op. Ob méi Verantwortung am Institut iwwerhuele kennen, oder villäicht esouguer e méi en héije Responsabilitéitsposte kréien. Hei gëtt et de Moment nach kee konkrete Plang awer mat enger Meeschterprüfung stinn engem d‘Dieren op, och an Selbstännegkeet, a perséinlech war et mir wichteg den héchsten d‘Diplom a mengem Beruff ze hunn.

Villmools Merci fir dëse flotten Abléck an alles Guddes fir är Zukunft.

 
 

Interview mam Joe Schreiber

De Joe Schreiber ass 19 Joer jonk, geléierten Heizungs- a Sanitärinstallateur a Gewënner vun de Lëtzebuerger Beruffsmeeschterschafte LuxSkills 2018. Felicitatiounen!

Foto Joe Schreiber

 

Joe, wéi bass du zu dem Beruff vum Heizungs- a Sanitärinstallateur komm?

Mat ongeféier 12 Joer, wollt ech mäin Täschegeld e bësschen opbesseren an hunn mengem Papp am Betrib eng Hand mat ugepaakt. All Dag hunn ech eppes Neies gesinn, ech hat Freed un deem wat ech gemaach hunn an de Beruff vum Installateur huet mir dunn einfach ugefaangen ze gefalen.

Ech sinn och eng Persoun déi gäre Saachen auserneen hellt a montéiert a wou een zum Schluss en konkret Resultat gesäit. Dat ass bei dësem Beruff de Fall. Mat 15 Joer hunn ech dunn decidéiert eng Léier unzefänken.

En anere praktesche Beruff wéi z.B Schräiner hätt mech och interesséiert, mee ech hunn natierlech als Installateur hei am Familljebetrib eng Zukunftsperspektiv. Déi Geleeënheet hunn ech einfach gesinn an esou huet haalt alles zesumme gepasst.

Du hues d’Beruffsmeeschterschaften LuxSkills 2018 gewonnen. Wat huet dech beweegt fir hei matzemaachen?

Virun 2 Joer, wou d’Propose déi éischte Kéier koum fir matzemaachen, wor ech net direkt iwwerzeegt. Mee ech hunn dunn geduecht: firwat et net einfach ausprobéieren, Erfarung sammelen a wësse wéi et ass ënnert Stress an Drock eens gi wärend esou engem Concours.

Wat hues du duerch de Concours geléiert?

Ech hunn ganz vill vu mengem Expert geléiert, dee mech wärend dem Concours begleet huet. Fir dat praktesch Stéck huet mir dunn awer einfach zum Schluss d’Erfarung gefeelt. Dat éischt Joer hunn ech déi 2. Platz bei de Chauffagiste beluecht.
Vum Éiergäiz gepaakt, wollt ech dunn Éischte ginn! 2018 hunn ech nach emol matgemaach a mech do och gutt preparéiert gespuert.

Duerch LuxSkills hunn ech immens vill Erfarung gesammelt. Ech hunn geléiert ënnert Zäitdrock ze schaffen, an domat ëmzegoen, dass vill Leit engem nokucke wéi a wat ee schafft. Dat setzt ee ganz schéin ënnert Drock. Ech hunn mech dunn einfach voll a ganz ob meng Aarbecht konzentréiert, wat mech zum Schluss mat der 1. Platz belount huet.
Ech kann all Jonkem nëmmen uroden esou en Concours matzemaachen. Am September huelen ech och zu Budapest un den europäesche Beruffsmeeschterschaften EuroSkills deel.

Wat sinn soos nach weider Projets vun dir ?

Ech wäert mech dëst Joer umelle fir d’Meeschterprüfung. Dorop freeën ech mech schonn. Dono gesäit een, wéi et weider geet. Mäin Brudder ass um gaangen seng Léier ofzeschléissen - och als Heizungs- a Sanitärinstallateur. Eise Familljebetrib gëtt et elo scho ganzer stolzer 20 Joer, a wien weess, an Zukunft ergëtt sech villäicht emol d’Geleeënheet fir de Betrib ze iwwerhuelen.

Wat géifs du deene Jonke roden, déi nach net wësse wéi en Beruff si wiele sollen?

Ech selwer hunn verschidde Stagë gemaach. An enger Constructiouns Firma, bei engem Chauffagisten an an enger Maison Relais. Duerch Stagë gesäit ee wéi d’Realitéit um Terrain ass. Zum Beispill um Bau gëtt och geschafft wann et schlecht Wieder ass, an dat ass scho munchmol ustrengend.

Et gi Leit déi hunn hir Stäerkten am praktesche konkrete Schaffen an aner Leit si méi staark z.B: an der Theorie a Sproochen. Mat 15 Joer weess en ongeféier wou seng Stäerkte leien a wat engem Spaass kéint maachen. Wann dëst éischter am praktesche schaffen ass, géing ech ëmmer roden eng Leier unzefänken.

Mat enger Léier verléiert ee keng Zäit a sengem Liewen. Wann een ufänkt mat schaffen, verdéngt een eppes an et gëtt een och méi schnell Erwuessen. De Fachkräftemangel deen am Handwierk besteet, gëtt deene Jonken eng reell Perspektiv. Esou huet een am Handwierk mat enger Léier gutt Chancen eng Aarbecht ze fannen.

Wéi kriss du dech motivéiert fir deng Schaff?

Et ginn natierlech wéi bei jidderengem der gudder Deeg an der schlechter. Déi Deeg wou engem alles gutt geléngt schafft een natierlech gären.

Wann ee verschidden Deeg mat Schwieregkeeten ëmzegoen huet, oder et net esou klappt wéi en dat gären hätt, denken ech un d’Resultat, an dass ech dem Client eppes Guddes presentéiere well. Wann de Client zefridden ass, sinn ech och zefridden.

Mir schaffe jo vill hei zu Péiteng, Lamadelaine a Rodange a wann ech da laanscht d‘Haiser fuere wou ech geschafft hunn, a mech enger Erausfuerderung gestallt hunn, sinn ech frou a stolz, do Aarbechte gemaach ze hunn.

Villmools Merci Joe fir dësen Abléck a weider vill Erfolleg fir deng Zukunft.

 
 

Interview mam Gilles Beaume

De Gilles Beaume huet 32 Joer an ass geléierte Schräiner. Fir seng Passioun a säi Beruff ze verwandelen, huet hien en interessante Parcours hannert sech.

Foto Gilles Beaume

 

Gilles, dir hutt wéi gesot en ganz flotte Parcours hannert iech. Wéi gesäit deen aus?

Ech hunn meng Première A am Kolléisch gemaach an hunn duerno Archeologie a Geschicht studéiert. Wärend dem Studium awer hunn ech dunn gemierkt, dass ech éischter gäre géing eppes “Hands on” maachen, e Beruff ergräife wëllt wou ech duerno och en richtegt konkret Resultat ka gesinn um Enn vum Dag.

Wéi koumt dir dunn ob de Beruff Schräiner?

Schräinerei war ëmmer eppes wat ech ganz interessant fonnt hunn. Mäin Grousspapp (deen ech leider net méi kennegeléiert hunn) war Schräiner, villäicht ass déi Passioun iergendwou verierft ginn. Ech hunn als klenge Bouf ëmmer gäre “gewerkelt“, mäin Papp hat eng relativ flott equipéiert Garage mat allerlee Handwierksgeschir, wat ech dann och vill benotzt hunn. Dat hunn ech ëmmer gäre gemaach. Well ech awer zwee Geschwëster hunn, déi allebéid en akademeschen Ofschloss hunn an och klassesch am Lycée waren, wollt ech mech vun hinnen net all ze weit ewech beweegen. Mee am Endeffekt war et sou, dass ech éischter eppes a Richtung Schräinerei wéilt maachen. Dat ass mir relativ spéit eréischt richteg kloer ginn.

Wéi ass et dunn mat ärem Studium an ärer Iddi de Schräinerberuff ze ergräife weidergaangen ?

Ech hunn mäin Bachelor fäerdeg gemaach well ech mat engem Diplom ofschléisse wollt, an hunn mech dunn informéiert iwwert de Beruff Schräiner bei der Chambre des Métiers an och bei der Beruffsorientéierung. Ech hunn versicht e Patron ze fannen an hunn dunn e klenge Stage gemaach bei enger Schräinerei. Parallel dozou hunn ech och nach en Owescours matgemaach wou ech e klenge Miwwel hiergestallt hunn, an du war d’Saach gelaf, du war ech passionéiert vum Wierkstoff Holz. Dat huet mir immense Spaass gemaach.
Ech hunn esou eng Léier ugefaangen als Schräiner, an direkt wou ech fäerdeg war, ass am Lycée du Nord zu Wooltz en neie BTS Technologie Bois ugebuede ginn. Well ech hei och d’Prérequis‘en erfëllt hat, konnt ech domadder direkt weidermaachen. D’Iddi war vun Ufank un net mat der Léier ofzeschléissen, mee och duerno eng Meeschterprüfung ze maachen. Déi sinn ech och elo am Gaang ze maachen, well den Diplom sech gutt mat dem BTS ergänzt.

Wat war et, dat iech besonnesch um Beruff Schräiner inspiréiert huet?

Holz ass einfach e ganz spezielle Wierkstoff, deen immens villsäiteg ass. Wat ech un der Schräinerei immens flott fannen, ass dass et e kreative Beruff ass. Wann de Client nach net genau weess wat en vu Miwwel well, dann ass een als Schräiner gefuerdert. Et muss een eng Léisung parat hunn. Dat fannen ech flott. Ob der enger Säit soll et säin Zweck erfëllen, et soll nëtzlech sinn, an ob der anerer Säit soll et natierlech och schéin an ästhetesch sinn. Do huet een als Schräiner wahnsinneg vill Gestaltungsméiglechkeeten, dat hunn ech immens interessant fonnt.

Wéi gesäit esou en Dag als Schräiner aus?

Et gëtt eigentlech net en typeschen Dag, de Schräiner ass en immens villsäitege Beruff. Ob de rechnereschen Deel um Büro oder am Atelier oder z.B. ob e Montage ze goen. Ech hat déi grouss Chance an engem méi klenge Betrib meng Léier gemaach ze hunn, an och do elo weiderhin ze schaffen, dat gëtt engem einfach immens vill Méiglechkeete fir vill verschidde Facettë vum Beruff ze gesinn.

Wat mëscht iech dann am meeschte Spaass un ärem Beruff?

Et ginn am Fong zwee Volet‘en déi ech super fannen. Dat eent ass d‘Verschaffe vu Massivholz, éischter klassesch, wat hautdesdaags villäicht ëmmer manner gemaach gëtt, dat fannen ech awer trotzdeem immens interessant. An da gëtt et dee ganz moderne Volet vun der CNC Technologie, domadder huet een eng ganz aner Erugoensweis un de Beruff, an dat fannen ech super passionant fir déi 2 Volet‘en mateneen ze verbannen.

Wat kennt dir jonke Leit roden déi am gaange sinn eng Wiel fir en Beruff ze treffen?

Et soll een ob sech selwer lauschteren, oft ass et esou dass ee vu lenks a riets gedréckt gëtt fir an eng Richtung ze goen, wou dann herno en maximum vu Verdéngscht derbäi eraussprange soll. Dat ass awer net ëmmer fir all Jonken zilféierend oder och sënnvoll. Do ass et besser et lauschtert een do ob sech selwer an et freet een sech ganz seriö : wou gesinn ech mech, wat kann ech gutt, a wat well ech maachen. Dofir géing ech mengen datt et wichteg ass, do ob sech selwer ze lauschteren. De Verdéngscht muss natierlech stemmen, mee et ass och wichteg zefridden ze sinn mat deem wat ee mëscht an dat een dorunner Freed huet, an dat ass mengen ech mat dat Wichtegst wat een engem rode kann.

Wat gëtt iech äre Beruff?

Wat wichteg ass wann ech owes heem ginn, wat verspieren ech dann, sinn ech éischter zefridden oder éischter net. Dat hei ass e Beruff wou ech an deene meeschte Fäll owes zefridden heem ginn. En gëtt mir awer och e gewëssenen Deel un Fräiheet. Wat ech geléiert hunn ass mir eng grouss Hëllef, well ech vill Saache selwer kann maachen, dat kascht mech zwar deementspriechend Zäit, mee ech kann et esou gestalte wéi ech well. Dat ass eng Fräiheet déi dee Beruff an d'Ausbildung mir gëtt, an dat wëllt ech net vermessen.

Gilles, villmools Merci dass dir äre flotte Parcours mat eis gedeelt hutt.

 
 

Interview mit Anika Raskopp

Anika Raskopp ist 30 Jahre jung und Frisörmeisterin. Sie leitet seit November einen Salon mit 2 Angestellten und sprüht vor Begeisterung für ihren Beruf. Perspektiv Handwierk hat sie in ihrem Betrieb in Roodt/Syre besucht.

Foto Anika Raskopp

 

Anika, wie sind Sie zu ihrem Beruf gekommen?

Als Jugendliche wollte ich immer am Theater als Maskenbildnerin arbeiten und damals war die Frisörausbildung dafür die Voraussetzung. Also habe ich mich mit 15 Jahren entschieden: Ich werde Frisörin. Das war dann der Weg den ich gehen wollte.

Wie hat sich ihre berufliche Laufbahn seitdem entwickelt?

Mit 15 habe ich also meine Lehre begonnen, drei Jahre später war ich fertig und hatte unheimlich viel Spaß in dem Beruf. Ich wollte mich weiterentwickeln, habe so an vielen Weiterbildungen teilgenommen, eine Kosmetikerlehre noch abgeschlossen, und die Meisterschule besucht. Mit 21 war ich gelernte Frisörmeisterin und durfte meinen ersten Salon leiten. Das war ein tolles Gefühl. Zwei Jahre später habe ich dann den Schritt in die Selbstständigkeit gewagt und heute beschäftige ich zwei Mitarbeiterinnen.

Sie kommen ursprünglich aus Deutschland und wurden dort mit 18 Jahren zur „Besten Frisörin“ der Rheinland-Pfalz gekürt. Wie kam das?

Genau, ich habe an einem Berufs-Wettbewerb für Frisöre teilgenommen und musste dabei in kurzer Zeit, Farbe, Maske und einen Schnitt fertigstellen. Das Ergebnis sah toll aus, aber was die Jury zu ihrer Entscheidung bewogen hat, das war die Freude und Leidenschaft, mit der ich am Werk war, das hat ihnen besonders gut gefallen.

Haben Sie einen guten Tipp für junge Leute, die vor der Berufswahl stehen?

Ja klar. Das allerwichtigste ist die Freude am Beruf. Deswegen empfehle ich jungen Leuten in verschiedene Berufe reinzuschnuppern, dann merkt man eigentlich ganz schnell ob man das eine oder andere mag oder nicht. Ich habe früher viele Praktika gemacht, zum Beispiel im Büro, im Verkauf, beim Schreiner oder beim Floristen. Zu meiner Schulzeit waren zwei Berufspraktika Pflicht und andere habe ich dann einfach während der Ferien gemacht. Das letzte Praktikum war beim Frisör und da wusste ich: Daran hast du Freude!

Ich wusste, dass ich auf jeden Fall mit Menschen arbeiten will und ich mag die Kommunikation. Als Frisör ist man ganz nah am Kunden. Ich habe Kunden, die begleiten mich mittlerweile über 10 Jahre und ich kenne die sehr gut: Ich kenne die Namen der Kinder, weiß wohin sie in den Urlaub fahren und sogar, wie sie ihren Kaffee am liebsten mögen…. das ist doch sehr schön.

Sich weiterzuentwickeln, nicht stehenzubleiben und sich weiterzubilden ist ganz wichtig um am Ball zu bleiben und dazu kann ich auch nur raten.

Wie muss man sich eine Arbeitswoche bei ihnen vorstellen?

Ich bin drei Tage die Woche im Salon, berate, schneide, färbe und frisiere. Einmal in der Woche habe ich einen Bürotag. Neben der administrativen Arbeit, überlege ich mir da auch, was ich in den sozialen Medien zeigen will. Wenn man über diese Kanäle auf sich aufmerksam machen will ist es total wichtig regelmäßig zu posten. Den Rest der Woche bin ich viel unterwegs, ich arbeite für Fotoshootings (als Make Up- und Haarstylist). Samstags bin ich immer unterwegs für Brautstylings.

Was lieben sie an ihrem Beruf besonders?

Es ist ein Beruf, der mir am Ende eines Arbeitstages ein zufriedenes Gefühl gibt. Meine Highlights sind aber eigentlich immer die Samstage mit meinen Bräuten. Es ist schön, Menschen glücklich zu machen. Das macht einfach Spaß. Das tolle an meinem Beruf ist, dass ich in einer relativ kurzen Zeit, ein super Ergebnis erzielen kann.

Was ich auch an meinem Beruf mag ist die Vielseitigkeit, jeden Tag gibt es etwas Neues. Das ist toll. Auch das Verändern der Leute begeistert mich. Dass ich mit einer Frisur und einem Make Up jemanden komplett verändern kann, das hat mich immer schon begeistert.

Wie erhält man sich die Begeisterung für seinen Beruf?

Meine Leidenschaft ist mein Beruf und mein Beruf ist meine Berufung. Ich freue mich morgens auf meinen Beruf und deshalb arbeite ich eigentlich keinen Tag. Für mich ist es kein arbeiten, sondern ich übe sozusagen jeden Tag meine Leidenschaft aus.

Anika, vielen herzlichen Dank für dieses interessante Gespräch.